Ferienjob: студенттер білуі тиіс маңызды ақпарат
Ferienjob нарығында не болып жатыр: Өзбекстандағы визадан жаппай бас тарту, бір күндік фирмалардың қаупі және неге Қазақстанда ресми тіркелген компаниямен келісім жасау маңызды.
Не болып жатыр?
Өзбекстанда кейбір агенттіктердің жалған құжаттары мен алаяқтығы салдарынан визадан жаппай бас тарту басталды. Соның кесірінен неміс жұмыс берушілері үлкен шығынға батты: жатақханалар бос қалды, жұмыс кестелері бұзылды.
Ішкі нарығынан айырылған кейбір өзбекстандық агенттіктер енді Қазақстан мен Қырғызстанға белсенді таргеттелген жарнама жүргізіп жатыр: «Қазақстан студенттеріне арналған Ferienjob».
Студенттер үшін қаупі неде?
Бір күндік фирмалардың схемасы
Ақшаны жинап, виза мен офферді береді. Ал жұмыс кешіксе немесе ол жақта жұмыс болмай шықса: «Біз өз міндетімізді орындадық, визаны аштық, әрі қарай өздерің шешіңдер» дейді.
Ақшаны қайтару мүмкін емес
Агенттік Қазақстаннан тыс жерде тіркелсе, студент ақшасын заң жүзінде қайтара алмайды және ұйымдастырушыларды жауапқа тарта алмайды.
Кеңес: келісім-шартты тек Қазақстанда ресми тіркелген заңды тұлғасы, нақты кеңсесі және ашық беделі бар компаниялармен ғана жасаңыз.
Бүкіл Қазақстан үшін бағдарлама жабылуы мүмкін
Бүгінге дейін қазақстандық студенттердің визалары дерлік 100% мақұлданып келеді, еліміздің беделі жоғары.
Бірақ нарықта жаппай жанжал мен алаяқтық басталса (студенттер жұмыссыз қалса, ректораттар мен прокуратураға шағым түссе):
- Қазақстан ЖОО-лары Ferienjob үшін мөрі бар анықтама беруді тоқтатуы мүмкін
- Германия консулдығы Өзбекстандағыдай бүкіл елге виза беруді шектеуі мүмкін
Германия тек Орталық Азия студенттеріне тәуелді емес. Олардың орнын Шығыс Еуропа елдерінің, яғни Румыния, Болгария, Сербия азаматтары оңай толтыра алады.
Сондықтан агенттік таңдағанда тек өзіңізді емес, барлық қазақстандық студенттердің болашағын да ойлаңыз.